असोज २७,डोटी
सुबास नेपाली
डोटी स्थित नेपाली सेनाको श्री भैरव प्रसाद गणमा सञ्चालन भएको सि.सं.८ सैन्य आधार तालिमको अन्तिम दलेल कवाज सम्पन्न भएको छ ।
श्री नम्बर ५ बाहिनी अड्डाका सहायक रथी बाहिनी पति बालकृष्ण कार्कीको आतिथ्यतामा सम्पन्न भएको अन्तिम अन्तिम दलेल कवाजमा ९८ जना सैन्य प्रशिक्षार्थीको सहभागिता रहेको थियो।
समारोहलाई सम्बोधन गर्दै बाहिनी पति कार्कीले तालिमे सैन्यहरुबाट सलामी ग्रहण गर्नुका साथै कवाज निरीक्षण गर्नुभएको थियो। तालिमे सैन्य समूहलाई सम्बोधन गर्दै बाहिनी पति कार्कीले सेना बलियो भए मात्र देश बलियो हुने भन्दै सिपाहीको कर्तव्य, जिम्मेवारी एवम् दायित्वको बारेमा स्मरण गराउँदै जस्तोसुकै विषम् परिस्थितिमा पनि देश र जनताको सेवामा हरदम कटिवद्ध हुन निर्देशन गर्नुभयो।
डोटी राजपुर स्थित श्री नं ५ बाहिनी अड्डामा आयोजित कार्यक्रममा श्री नं ५ बाहिनी अडडाका बहिनी पति सहायक रथी बालकृष्ण कार्की , श्री भैरव प्रसाद गणका गणपति प्रमुख सेनानी कमल सिंह बिष्ट , प्रमुख जिल्ला अधिकारी मोहनराज जोशी ,सुदुर पश्चिम प्रहरी तालिम केन्द्रका प्रमुख ,जिल्ला स्थित सुरक्षा निकायका प्रमुख, सरकारी निकायका प्रमुख तथा सैन्यहरुका आफन्त लगायतको उपस्थित रहेको थियोे ।