कार्तिक २८,डोटी
सुबास नेपाली
सम बिकास केन्द्र डोटीको सामाजिक परिक्षण कार्यक्रम सिलगढीमा सम्पन्न भएको छ ।
संस्थाले बर्ष भरी गरेका संस्थागत तथा परियोजनात्मक गतिबिधीहरुको बारेमा सेवा प्रदायक तथा सरोकारवालाहरुलाई जानकारी दिने उदेश्यले बार्षिक सामाजिक परिक्षण कार्यक्रमको आयोजना गरिएको अध्यक्ष केशव परियारले बताए ।
सामाजिक परिक्षण कार्यक्रममा संस्थाले वर्षभरि सञ्चालन गरेका गतिविधि, उपलब्धि तथा चुनौतीहरूबारे विस्तृत प्रस्तुति गरिएको थियो। सहभागीहरूले पारदर्शिता, उत्तरदायित्व र कार्यक्रमहरूको प्रभावकारिता सुनिश्चित गर्न र दिगोपनामा सहयोग पुर्याउने सुझाव दिएका थिए ।
सम बिकास केन्द्र डोटीले जिल्लाको सामाजिक परिवर्तको क्षेत्रमा उल्लेखनीय कार्य गरेको दिपायल सिलगढी नगरपालिकाका नगर प्रमुख बाजि सिं खडकाले बताए । संस्थाले सामाजिक परिवर्तको क्षेत्रमा खेलेको भूमिका प्रसंशनिय रहेको समेत खडकाले बताए ।
सम बिकास केन्द्र डोटीले जिल्लाका महत्वपूूर्ण सवाल लैगिक हिंसा, जातीय छुवाछुत, सुशासन ,जनाफदेहीता ,पारदर्शिताका सवालहरुमा महत्वपूर्ण कार्य गर्दै आएको जिल्ला समन्वय समिती उप-प्रमुख स्मृति चुनाराले बताइन् ।
संस्थाले बिगत देखिनै महिला अधिकार लैगिक समानता, महिलाको न्यायमा पहुचँ, जातिय छुवाछुत, स्थानिय तहको शासन प्रकृयामा नागरिक सहभागिता, गुणस्तरीय शिक्षा परिवर्तन, बातावरणीय दिगोपना लगाएका क्षेत्रमा विभिन्न कार्यक्रमहरु संचालन गर्दै आएको सम बिकास केन्द्र नेपालका अध्यक्ष केशव परियारले बताए।
कार्यक्रमको सहजीकरण अधिवक्ता तथा पत्रकार नवराज जोशीले गर्नुभएको थियो भने कार्यक्रममा दिपायल सिलगढी नगरपालिकाका नगर प्रमुख बाजि सिं खडका,जिल्ला समन्वय समिति उप-प्रमुख स्मृति चुनारा,पत्रकार महासंघका अध्यक्ष प्रकाश बम,सुरक्षा निकायका पदाधिकारी,पत्रकार , विभिन्न सरोकारवाला संस्था तथा समुदायका प्रतिनिधिहरूको उल्लेखनीय उपस्थिति रहेको थियो।