श्रावण २४,डोटी
सुबास नेपाली
डि सि ए नेपालको आर्थिक सहयोग तथा सम बिकास केन्द्र नेपाल द्वारा संचालित पहुच परियोजना अन्तरगत शिखर नगरपालिका वडा नं ५,७ ,८ र ११ के आई सिंह गाउपालिकाको १,२ र ३ वडामा रहेका धामीझाँक्री ,धार्मिक अगुवा तथा समुहका महिलाहरु बिच लैंगिक हिंसा तथा जातिय छुवाछूत र हानिकारक अभ्यास न्यूनीकरणका लागि धार्मिक अगुवा संग अन्तरक्रिया कार्यक्रम सम्पन्न भएको छ।
उक्त अन्तरक्रिया कार्यक्रममा शिखर नगरपालिका र के आई सिंह गाउपालिकाका ४० जना धार्मिक अगुवा,धामीझाँक्री र स्थानिय महिला समुहका महिलाहरुको सहभागिता रहेको थियो।
अन्तरक्रिया कार्यक्रममा धार्मिक अगुवा तथा धामीझाँक्रीहरुले जातिय छुवाछूत तथा महिनावारी हाम्रो समाजको कुप्रथा रहेको बताएका छन।
शिखर नगरपालिका वडा न१० का धामि डम्मरे सुताराले भने
छाउपडी हुनु अभिशाप होइन। कुनै पापको प्रतिफल पनि होइन। यो त नियमित प्रक्रिया हो। फल लाग्नका लागि फुलेको एक प्रकारको फूल हो। महिलामा छाउपडी हुँदा न देउता रिसाउँछन्, न त उनीहरुलाइ देउताले नै छुट्टै राख भन्छन्।
यस्ता जातिय छुवाछुत र छाउपणि कुप्रथा परम्परा बिरुद्ध समाजमा जनचेतना फैलाउनु पर्ने धामी गिरि दमाईले बताए।
Leave a Reply