नरेन्द्र बहादुर वि.क.
सिलगढी, डोटी
सम विकास केन्द्र नेपाल, डोटी र एक्शनएड नेपालको साझेदारीमा संचालन हुन लागेको स्थानिय अधिकार कार्यक्रम जोरायल गाउपालिका वडा नं. १ देखि ६ सम्म संचालन हुने भएको छ । उक्त कार्यक्रम अन्तरगत सम विकास केन्द्र नेपाल डोटीका अध्यक्ष श्री केशब परियारको अध्यक्षता, जोरायल गाउपालिकाका अध्यक्ष श्री दुर्गा दत्त ओझाको प्रमुख आथित्यता र गाउपालिकाका उपाध्यक्ष श्री जमुना बोहराको विशिष्ट आथित्यतामा आज एक कार्यक्रमका विच परिचयात्मक कार्यक्रम सम्पन्न भएको छ । कार्यक्रममा जोरायल गाउपालिका वडा नं. १ देखि ६ सम्मका वडा अध्यक्षहरु, कार्यपालिका सदस्यहरु, पालिकाका विषयगत शाखा प्रमुखहरु, महिला संजालका प्रतिनिधिहरु, दलित, युवा र किशोरीहरु सहभागीता रहेको थियो । उक्त कार्यक्रमले दलित, महिला, वालवालिका र सिमान्तकृत समुदायको अधिकार, गुणस्तरिय सार्वजनिक शिक्षा, जलवायु न्याय र हरित जिविकोपार्जनको क्षेत्रमा पहुँच गर्ने उद्देश्यले कार्यक्रम संचालन हुन लागेको कुरा संस्थाका कार्यकारी निर्देशक महेश त्रिखत्रिले जानउनु भएको छ । कार्यक्रममा बोल्दै गाउपालिका अध्यक्ष दुर्गा दत्त ओझाले यो पालिकामा स्थानिय अधिकार कार्यक्रम संचालन गर्नु भएकोमा धन्यवाद दिदै पालिका बाट हुने सहयोगको लागी हामी सदै अगाढी हुने कुरा व्यक्त गर्नु भएको छ । उक्त परिचयात्मक कर्यक्रमको संचालन स्थानिय अधिकार कार्यक्रमका कार्यक्रम संयोजक नरेन्द्र बहादुर वि.क. ले गर्नु भएको थियो ।
