कार्तिक १३,डोटी
सुबास नेपाली
सम विकास केन्द्र नेपाल( ई डि सि) र डि सि ए को सहयोगमा संचालित ‘पहुँच परियोजना’ ले दलित तथा विपन्न महिलाहरूलाई सशक्त बनाउन उल्लेखनीय भूमिका निर्वाह गरेको छ।
के आई सिंह गाउपालिका र शिखर नगर पालिकामा संचालन भएको यस परियोजनाको छलफल चौतारीका माध्यमबाट महिलाहरूलाई डिजिटल साक्षरता, जलवायु परिवर्तनको प्रभाव र अनुकूलन उपाय, व्यवसाय तथा उद्यम विकास, राजनीतिक नेतृत्व, साथै जातीय छुवाछूत अन्त्य र छाउपडी प्रथा विरुद्ध सचेतना सम्बन्धी विविध कार्यक्रम संचालन हुँदै आएका छन।
सन २०२२ बाट शिखर ५,७,८,९,१० र ११,के आई सिंह १,२ र ३मा परियोजना सुरु भए देखी हाल सम्म ४० वडा समूहहरु गठन भै १०२८ महिलाहरु लाभान्वित भएका छन।
परियोजनामा सहभागी महिलाहरूले सीप र ज्ञान प्राप्त गरेपछि आत्मनिर्भर बन्न थालेका छन् भने उनीहरूले साना व्यवसाय सञ्चालन, समुदायमा सचेतना फैलाउने कार्य र नेतृत्व भूमिकामा सहभागी हुने अवसर पाउन थालेका छन्।
परियोजनाका संयोजक टेक बहादुर नेपालीका अनुसार, पहुँच परियोजनाले ग्रामीण क्षेत्रमा बसोबास गर्ने महिलाहरूलाई डिजिटल साक्षरता , वातावरणीय सचेतना र आर्थिक सशक्तिकरणतर्फ उन्मुख गराएको र स्थानीय तहका जन प्रतिनिधिहरूले पनि परियोजनाले महिला अधिकार र समानतामा सकारात्मक प्रभाव पारेको बताएका छन्।
परियोजनाले महिलाहरुलाई आफनो हक अधिकार दावी गर्न सक्षम बनाउनुका साथसाथै आर्थिक सशक्तीकरणमा जोड दिएका कारण महिलाहरुको आर्थिक ,सामाजिक र राजनीतिक पहुँचमा वृद्धि भएको सम बिका केन्द्र इ डो क नेपाल्का कार्यकारी निर्देशक महेश त्रिखत्रीले वताउनुभयो ।
यसरी पहुछ परियोजना संचालनमा आय देखि कार्यक्रम लागू गरिएका क्षेत्रका महिलाहरुमा आर्थिक स्थितिमा सुधार हुनुका साथै समाजमा रहेका हानिकारक प्रथाहरु कम हुँदै गएका छन भने नेतृत्व बिकास समेत भएको छ।
