डोटी ,कार्तिक ३०
सुबास नेपाली
डोटीको दिपायल सिलगढी नगरपालिकामा विपद् संवेदनशील सामाजिक सुरक्षा सम्बन्धी अभिमुखीकरण कार्यक्रम गरिएको छ ।
निड्स नेपाल, सामाजिक सुरक्षा नागरिक समाज सञ्जालको आयोजना, युरोपियन युनियन र संयुक्त राष्ट्र संघको सहकार्य तथा दिपायल सिलगढी नगरपालिकाको समन्वयमा अभिमुखीकरण कार्यक्रम गरिएको हो ।
विपदबाट बढी क्षति भोग्ने तथा विपदमा आधारित कार्यक्रमको पहुँच बाहिर रहेकालाई सामाजिक सुरक्षामा जोडेर के कसरी प्रभावकारी बनाउन सकिन्छ भन्ने विषयमा अभिमुखीकरण गरिएको निडस नेपालाकी प्रतिनिधि हेमा जोराले बताईन।
नगरपालिकामा विपद् संवेदनशील सामाजिक सुरक्षाको अवस्थाबारे जानकारी र थप प्रभावकारी बनाउन जनप्रतिनिधि ,शाखा प्रमुख र सरोकारवालासँग छलफल गरिएको जोराले बताइन् ।
कार्यक्रमले जोखिममा परेका नागरिकको संरक्षण, विपद् पूर्व तयारी, राहत र पुनःस्थापनामा सहज, समावेशी र न्यायपूर्ण विकास सुनिश्चित गर्न, आर्थिक सुरक्षाको व्यवस्था तथा मानव जीवनको रक्षा गर्न महत्वपूर्ण भूमिका खेल्ने र यस कार्यमा आफ्नो पालिकाले सक्दो सहयोग गर्ने दिपायल सिलगढी नगरपालिकाका नगर प्रमुख बाजि सिं खडकाले बताउनुभयो ।
विपद् संवेदनशील सामाजिक सुरक्षामा विपद बाट बढि प्रभावित हुने सम्भावना बढी भएका व्यक्ति वा समुदायलाई लक्षित गरेर पूर्व तयारी तथा कार्यक्रम तयार गर्न यसले सहयोग पुग्ने दिपायल सिलगढी नगरपालिकाका सामाजिक शाखा प्रमुख रमेश चन्द्र जोशीले बताए ।
