डोटी ,माघ २३
सुबास नेपाली
जिल्ला ट्राफिक प्रहरी कार्यालयको आयोजनामा श्री भागरती एकेडेमीमा एक दिने ट्राफिक सचेतना तथा विद्यालय सम्पर्क कार्यक्रम सम्पन्न भएको छ।
सचेतना कार्यक्रम अन्तर्गत विद्यार्थीहरूलाई सडक सुरक्षासँग सम्बन्धित विभिन्न महत्वपूर्ण विषयमा विस्तृत रूपमा जानकारी गराईएको बिधालयका प्रधानाध्यापक हेमराज मलासीले बताए।
सचेतना तथा विद्यालय सम्पर्क कार्यक्रममा विद्यार्थिहरूलाई ट्राफिक नियमहरू र तिनको सही पालना,सडकमा प्रयोग हुने ट्राफिक चिन्ह तथा तिनको अर्थ,सुरक्षित यात्रा गर्न अपनाउनुपर्ने बानी र सतर्कता,
ट्राफिक व्यवस्थापनमा विद्यार्थी तथा युवा वर्गकोभूमिका,
तथा सडक दुर्घटना रोकथाममा व्यक्तिगत जिम्मेवारी
बारे अन्तरक्रिया गरिएको थियो।
कार्यक्रमका प्रशिक्षकहरूले विद्यालयस्तरमै ट्राफिक शिक्षाको महत्व औंल्याउँदै युवावस्थामा नै सही अनुशासन र ट्राफिक सचेतना विकसित गर्न सके आगामी दिनमा दुर्घटना न्यूनीकरणमा ठूलो योगदान पुग्ने बताए।
कार्यक्रममा कक्षा ८, ९ र १० मा अध्ययनरत ७० जना विद्यार्थीहरूको सहभागिता रहेको थियो।
