मोफा जापानको आर्थिक सहयोग, गुडनेवर्स इन्टरनेशनल नेपालको प्राविधिक साझेदारी र दिपायल सिलगढी नगरपालिकाको समन्वयमा सम विकास केन्द्र (ईडीसी) नेपालद्वारा सञ्चालित “विद्यालय बालबालिकाको पोषण सुधार परियोजना”अन्तर्गत संचालन भएका विभिन्न क्रियाकलापहरुको अनुगमन गरिएको छ।
दिपायल सिलगढी नगरपालिका–७ स्थित श्री दुर्गा माध्यमिक विद्यालय पाकरी ,अरुणोदय आधारभूत विद्यालय उडितोला र सुनादेबी मा विमा निर्माणाधीन संरचनाहरु छात्र–छात्रा शौचालय, खाजाघर, वेष्टपिट, खानेपानी व्यवस्थापन तथा करेसाबारीको अनुगमन गरिएको हो।
जिएन आई सम बिकास केन्द्र नेपाल कार्य समिती सदस्य, स्थानीयतहका जनप्रतिनिधि ,पत्रकार , शिक्षा, स्वास्थ्य र कृषि शाखाका प्रतिनिधिहरूको संयुक्त टोलीले निर्माणाधीन संरचना र करेसबारीको अनुगन गरेका हुन।
छोटो समयमै बिधालय व्यावस्थापन समिति , शिक्षक, निर्माण समिति, वडा कार्यालय र स्थानीय समुदायको प्रतिबद्धता र सक्रियताले निर्माण सम्पन्न हुन लागेका संरचनाहरुले बिद्यार्थीहरुको शिक्षण सिकाई क्रियाकलापमा प्रभावकारी हुने जिल्ला समन्वय समिती डोटीका प्रमुख लक्ष्मण बहादुर सिंहले बताउनुभयो।
अनुगमनका क्रममा दिपायल सिलगढी नगरपालिकाका नगर प्रमुख बाजि सिं खडकाले शिक्षण सिकाई क्रियाकलापलाई प्रभावकारी बनाउन भौतिक संरचनाले ठूलो भुमिका खेल्ने भन्दै संरचना निर्माणमा सहयोग गर्ने मोफा जापान, गुडनेवर्स इन्टरनेशनल र सम बिकास केन्द्र नेपाललाई धन्यवाद प्रकट गर्नुभयो।साथै उहाँले करेसाबारीबाट प्राप्त सागसब्जी विद्यालयले बालबालिकाको दिवाखाजामा प्रयोगले पोषण स्थितिमा सुधार हुने पनि बताउनुभयो ।
